عقل نہ داڑھ وچ، ڈرو نہ کڈھان توں
علم کتاباں دا نہ آوے موہنڈے چان توں
پڑھنے دی لوڑ گھٹ عشق کمان توں
عشق کمائ بس لبھدی ایمان توں
لبھدا ایمان سچے رب رحمٰن توں
رب رحمٰن سوہنا ودھ کے جہان توں
پاک ہر عیب تائیں، ارفع گمان توں
باپ نہ اولاد جہدی، پاک خاندان توں
نبضاں توں نیڑے، ودھ کول رہندا جان توں
تد وی نہ گھول ہووے کسے انسان توں
دِسدا نہ اکھ نوں، نہ ہلے ہتھ لان توں
سن وی نہ سکیے مسیت دے اعلان توں
باس وی نہ آوے اوہدی عود مہکان توں
نہ کوئ سواد اوہدا جِیب نوں چٹان توں
رب نوں لبھن اوکھا جان اسمان توں
صدقے میں واری سوہنے مصطفٰیﷺ دی شان توں
کلمے دا مل پیا آپﷺ دے پڑھان توں
آیتاں چے جان آئ آپﷺ دے بیان توں
کلمے توں لبھیا نہ رب، نہ قرآن توں
لبھ گیا رب، سوہنے نبیﷺ دی زبان توں