عید میلاد، خوشی دا ویلا، مرشد نال ہی سجدا اے
آقا دا مکھ ویکھ کے سوہنا، دل نوں چانن حج دا اے
کردے نیں جد زکر الٰہی، کرم دا بدل گجدا اے
رحمت رب دی مرشد سوہنے، عرش تے ڈنکا وجدا اے
آقا نال نہ رلدا کوئ، وچ خاصاں نہ عاماں دے
اک اک شبد حیاتی پخشے، جیوندے قلب غلاماں دے
چڑھدے رنگ عشق دے سوہنے، وکھرے اثر کلاماں دے
مرشد پڑھدے نعت محمدیﷺ نال درود سلاماں دے
پڑھدے نیں جد نعت پیاری، نامِ مبارک چمدے نیں
خاکی وجد چے آ جاندے نیں، نوری سن کے جھُمدے نیں
لبھ لیندے کئ عشق الٰہی، فیض چے ایسے گمدے نیں
کئ نصیباں والے، کھلیاں اکھیاں طیبہ گھُمدے نیں
سوچاں سوچ کے بیہہ جانے آں، یاد نہ دل توں جاوے جی
خوشی دے ویلے خوشی منائیے دل نوں کون سکھاوے جی
عید میلاد تے عرس حسینی، دم دم چیتے آوے جی
کیہڑا جانے پیڑ دلے دی، دوری کون مٹاوے جی
بڑے نصیباں والے جیہڑے مرشد ویکھ نہ رجن ہو
وچ پر دیساں بیٹھے جیہڑے، کیہڑے حج نوں بھجن ہو
ہنجو کھولن بھید دلاں دے، کیویں پردے کجن ہو
سنجھیاں عیداں تے شبراتاں، دور جنہاں دے سجن ہو